उरण नगर परिषद कर्मचाऱ्यांतर्फे अनिरुद्ध लाड यांना भावपूर्ण श्रद्धांजली
उरण दि 15(विठ्ठल ममताबादे) : कराड नगर परिषदेचे सफाई कर्मचारी अनिरुद्ध लाड हे शहरातील वाखाण परिसर येथील अंडरग्राऊंड ड्रेनेज लाईनची साफसफाई करत असताना ऑक्सिजनच्या कमतरतेमुळे बेशुद्ध पडले आणि हाॅस्पिटलमध्ये उपचारासाठी दाखल करण्यात आल्यानंतर उपचारा दरम्यान त्यांना मृत घोषीत करण्यात आले.अनिरुद्ध यांना मदत करण्यासाठी गेलेले अमोल चंदनशिवे यांना गंभिर दुखापत झाली आहे. त्यांचेवर सध्या उपचार चालू आहेत. स्वतःचा जीव धोक्यात घालून व स्वतःच्या आरोग्याची काळजी न करता जनतेचे आरोग्य चांगले राहिले पाहिजे या भूमिकेतून सर्व सफाई कर्मचारी काम करत असतात
जनतेला आरोग्यदायी उत्तम सेवा देते वेळी झालेली घटना अतिशय दुर्दैवी आहे. त्यांच्या कुटुंबाला मानसिक व आर्थिक आधार देण्याची गरज असल्याने कामगार नेते संतोष पवार यांच्या नेतृत्वाखाली उरण नगर परिषद कार्यालय समोर उरण नगर परिषदेच्या कर्मचाऱ्यांनी सामूहिक रित्या एकत्र येत भावपुर्ण श्रद्धांजली वाहिली.
कराड नगर परिषद आणि महाराष्ट्र शासनाच्या वतीने अनिरुद्ध लाड यांच्या कुटूंबियांना सन्मानपूर्वक योग्य ती नुकसान भरपाई मिळावी तसेच अमोल चंदनशिवे यांना योग्य विनामूल्य वैद्यकीय उपचार मिळावे या मागणीसाठी महाराष्ट्र राज्य नगरपंचायत नगरपरिषद व संवर्ग कर्मचारी संघर्ष समितीच्या वतीने शासनाकडे न्याय मागण्यात येणार आहे अशी माहिती कामगार नेते संतोष पवार यांनी दिली.परंतु शासनाचे सदर या बाबीकडे लक्ष वेधण्यासाठी दिनांक 15 सप्टेंबर 2022 रोजी सकाळी 11 वाजता आयु.कै.अनिरुद्ध लाड यांच्या आत्म्यास शांती मिळावी व त्यांना शासनाने व कराड नगर परिषदेने आर्थिक मदत करावी या मागणीसाठी उरण नगर परिषदेच्या कर्मचाऱ्यांतर्फे सामूहिक श्रद्धांजली अर्पण करण्यात आली.
संघर्ष समिती चे मुख्य निमंत्रक डॉ. डि एल कराड,ॲड सुरेश ठाकूर,डि पी शिंदे,रामगोपाल मिश्रा,मुख्य संघटक संतोष पवार,अँड.सुनील वाळुजकर(सुर्यवंशी) यांच्या मार्गदर्शनाखाली सदर श्रद्धांजली वाहण्यात आली.
