रत्नागिरी : मुंबईतील छत्रपती शिवाजी महाराज टर्मिनस ते करमाळी दरम्यान धावणारी तेजस एक्सप्रेस गुरुवारी प्रथमच पर्यटकांच्या पसंतीच्या विस्टा डोम कोचसह धावली. कोकण रेल्वे मार्गावर धावणाऱ्या जनशताब्दी एक्सप्रेस पाठोपाठ विस्टा डोम कोच जोडलेली तेजस एक्सप्रेस दुसरी गाडी ठरली आहे.
मुंबई-गोवा प्रवासादरम्यान पर्यटकांना कोकणचे निसर्गसौंदर्य न्याहाळता यावे, यासाठी या मार्गावरून धावणाऱ्या जनशताब्दी एक्सप्रेसला याआधीच पारदर्शक काचा, पारदर्शक छत अशा पर्यटन पूरक सुविधांसह सज्ज असलेला विस्ता डोम कोच जोडण्यात आला आहे. पर्यटकांचा विस्टा डोम कोचला प्रतिसाद पाहून रेल्वेने अन्य मार्गांवरील काही गाड्यांना देखील विस्टा डोम कोच जोडला आहे.
दिनांक 15 सप्टेंबर पासून मुंबईतील छत्रपती शिवाजी टर्मिनस ते गोव्यातील करमाळी दरम्यान धावणार्‍या लिशान तेजस एक्स्प्रेसला देखील विस्टा डोम स् कोच जोडण्यात आला आहे.
