रत्नागिरी : येऊ घातलेल्या दिवाळी सणाच्या पार्श्वभूमीवर सुरतजवळील उधना ते मंगळुरू अशी कोकण रेल्वे मार्गे धावणारी विशेष गाडी दिनांक 3 नोव्हेंबर 2023 पासून धावणार आहे. आठवड्यातून दोन दिवस ही गाडी चालवली जाणार आहे.
दिवाळीसाठी 09057 / 09058 ही गाडी सुरत जवळील उदना ते मंगळुरू जंक्शन दरम्यान चालवली जाणार आहे. उदना ते मंगळूर दरम्यान या गाडीच्या फेऱ्या दि. 3, 5, 10, 12, 17, 19, 24 26 नोव्हेंबर 2023 तसेच डिसेंबर महिन्यात देखील दिनांक 31 डिसेंबरपर्यंत आठवड्यातून दोनदा ही गाडी धावणार आहे.
मंगरूळ ते उधना या मार्गावर दिनांक 4 नोव्हेंबर 2023 पासून या गाडीच्या फेऱ्या सुरू होणार आहेत.
उधना-मंगळूरू विशेष गाडीचे थांबे
ही गाडी वलसाड, वापी, पालघर, वसई रोड, भिवंडी रोड, पनवेल, रोहा, माणगाव, खेड, चिपळूण, सावर्डा, संगमेश्वर रोड, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम, करमाळी, मडगाव जं., कानाकोना, कारवार, अंकोला, गोकर्ण रोड, कुमटा, मुर्डेश्वर, भटकळ, मुकांबिका रोड बयंदूर, कुंदापुरा, उडुपी, मुल्की आणि सुरथकल स्टेशनवर थांबणार आहे.
