दोन दिवशी एक कबड्डी स्पर्धा १४ जानेवारीपासून
पाली : रत्नागिरी तालुक्यातील पाली येथील श्री लक्ष्मीपल्लीनाथ स्पोट्र्स क्लबतर्फे दि. १४ व १५ जानेवारी २०२३ रोजी भव्य कबड्डी स्पर्धा आयोजीत करण्यात आली आहे. यामुळे कबड्डीप्रेमींना पाली येथे कबड्डीचा थरार अनुभवता येणार आहे. ही स्पर्धा श्री लक्ष्मी पल्लीनाथ मंदिराशेजारी खेळवली जाणार आहे.
स्पर्धेतील प्रथम क्रमांकास रोख ७ हजार ७७७ रूपये, द्वितीय क्रमांकास रोख ५ हजार ५५५ रूपये देवून गौरवण्यात येणार आहे. तसेच उत्कृष्ट पकड, उत्कृष्ट चढाई व मालिकावीर अशी वैयक्तिक बक्षीसेही ठेवण्यात आली आहेत. यांना रोख रक्कम, आकर्षक चषक व टीशर्ट देऊन सन्मानीत केले जाणार आहे. स्पर्धेसाठी ७०० रूपये प्रवेश शुल्क ठेवण्यात आले आहे. स्पर्धेविषयी अधिक माहितीसाठी अभिजीत ७६२०२७४०८२, प्रतिक यांच्याशी संपर्क साधावा, असे आवाहन करण्यात आले आहे.
