उरण (विठ्ठल ममताबादे ) : विक्रोळी टागोर नगर येथे दिनांक 29 एप्रिल 2023 रोजी धर्मवीर आनंद दिघे सभागृहामध्ये आंतरराष्ट्रीय मानवसेवा परिषद महाराष्ट्र व आदर्श मुंबई यांच्या वतीने आयोजित 12 वा वर्धापण दिनानिमित्त भारतरत्न गौरव श्री राष्ट्रीय पुरस्कार 2023 चे आयोजन केले होते. यावेळी अनेक विभूतीना पुरस्कार प्रदान करण्यास आला. त्यामध्ये उरण तालुक्याचे सुपुत्र तथा आंतरराष्ट्रीय कराटेपटू व शिक्षक गोपाळ दिनकर म्हात्रे (सारडे- उरण ) यांना 2023 च्या भारतरत्न गौरव श्री पुरस्काराने सन्मानित करण्यात आले.
विविध क्षेत्रात काम करणाऱ्या 150 युवा, युवतींना हा पुरस्कार प्रदान करण्यात आला.यां पुरस्कारा चे उदघाटक संपादक डॉ.सुकृतजी खांडेकर यांनी केले.प्रमुख पाहुणे म्हणून वर्षाताई गायकवाड, सुनील राऊत आमदार विक्रोळी, डॉ पवन- आंतराष्ट्रीय व्याखेते इत्यादी मान्यवर उपस्थित होते.
गोपाळ म्हात्रे हे उरण तालुक्यातील सारडे येथील रहिवासी असून ते आंतरराष्ट्रीय कराटेपटू आहेत. तसेच उत्तम शिक्षक देखील आहेत. त्यांना भारतरत्न गौरव श्री राष्ट्रीय पुरस्कार मिळाल्याने त्यांच्यावर सर्वच स्तरातून शुभेच्छा व अभिनंदनाचा वर्षाव होत आहे.
