पहाटे ५ वाजून २५ मिनिटांनी सीएसएमटी वरून सुटणार
दुपारी २ वाजून ४० मिनिटांनी मुंबईसाठी परतीला निघणार
रत्नागिरी : मडगाव ते मुंबई मार्गावर धावणाऱ्या वंदे भारत एक्सप्रेस या नियमित फेऱ्या या दिनांक 5 जून 2023 पासून सुरु होणार असल्यावर शनिवारी सायंकाळी रेल्वेने शिक्कामार्फ केले आहे. यामुळे दि. ३ जून 2023 रोजी पंतप्रधान नरेंद्र मोदी यांनी हिरवा झेंडा दाखवून उद्घाटन केल्यानंतर वंदे भारत एक्सप्रेस कोकण रेल्वे मार्गावर नेमकी कधी धावणार, याची प्रतीक्षा कायमची संपुष्टात आली आहे. आठवड्यातील शुक्रवार वगळून सहा दिवस वंदे भारत एक्सप्रेस कोकण रेल्वे मार्गावर धावणार आहे.
कोकण रेल्वे मार्गावर धावणाऱ्या पहिल्या वंदे भारत एक्सप्रेस चे उद्घाटन दि. 3 जून रोजी पंतप्रधान मोदी यांच्या हस्ते सकाळी 11 वाजून ५ मिनिटांनी होणार आहे. दरम्यान, शुभारंभाच्या फेरीनंतर वंदे भारत एक्सप्रेसच्या नियमित सेवा कधी सुरू होणार, याबाबत प्रसार माध्यमांमध्ये संभ्रमावस्था निर्माण झाली होती. अखेर शनिवारी सायंकाळी उशिराने अधिकृत प्रेस नोट काढून याविषयीचा संभ्रम संपुष्टात आणला आहे. रेल्वेकडून प्राप्त झालेल्या माहितीनुसार दिनांक 5 जून पासून मुंबईतील सीएसएमटी ते मडगाव मार्गावर वंदे भारत एक्सप्रेसच्या नेहमी फेऱ्या सुरू होणार आहेत.
