देशभरातील ६६ ठिकाणाहून आयआरसीटीसी मार्फत चालवणार आस्था विशेष गाड्या
मडगाव : अयोध्येत पंतप्रधानांच्या हस्ते प्रभू रामचंद्रांच्या मूर्तीची प्राणप्रतिष्ठा झाल्यानंतर दर्शनासाठी भाविकांचा देशभरातून ओघ सुरू झाला आहे. ही बाब लक्षात घेऊन देशभरातील 66 स्थानकांवरून भाविकांना अयोध्या दर्शन घडवण्यासाठी ‘आस्था ट्रेन’ चालवल्या जाणार आहेत. या विशेष गाड्या आयआर सी टी सी मार्फत चालवल्या जाणार आहेत. यानुसार कोकण रेल्वे मार्गे धावणारी पहिली गाडी गोव्यातील वास्को जंक्शन वरून १२ फेब्रुवारीला सुटणार आहे.
अयोध्येत भगवान प्रभू रामचंद्रांच्या दर्शनासाठी देशाच्या कानाकोपऱ्यातून भक्तगण येऊ लागले आहे. हीच बाब लक्षात घेऊन आय आर सी टी सी मार्फत भाविकांना अयोध्येत घेऊन येण्यासाठी तसेच दर्शनानंतर त्यांना पुन्हा मूळ ठिकाणी पोहोचवण्यासाठी विशेष गाड्यांचे नियोजन करण्यात आले आहे. कोकण रेल्वे मार्गे धावणारी विशेष गाडी वास्को येथून दिनांक 12 फेब्रुवारी 2024 रोजी रात्री नऊ वाजून दहा मिनिटांनी अयोध्येसाठी निघेल.
या स्थानकांवर थांबणार आस्था स्पेशल ट्रेन
मजोरडा, मडगाव, करमाळी, थिवी, कुडाळ, कणकवली, वैभववाडी रोड, रत्नागिरी, संगमेश्वर रोड, चिपळूण, खेड, माणगाव, रोहा, पनवेल, वसई रोड ही गोवा तसेच महाराष्ट्रातील स्थानके घेत उत्तर प्रदेशातील अयोध्येकडे रवाना होईल
