रत्नागिरी : कोकणातील गणेशोत्सवासाठी हजारो भाविक दरवर्षी आपल्या गावी जातात. त्यांच्या प्रवासाची सोय लक्षात घेता पश्चिम रेल्वे पाठोपाठ आता मध्य रेल्वेनेही ११ विशेष गाड्यांची घोषणा केली आहे. या गाड्या कोकण रेल्वे मार्गावरून धावणार असून मुंबई, पुणे आणि लोकमान्य टिळक टर्मिनस मुंबई (LTT) येथून रत्नागिरी, सावंतवाडी, मडगाव व चिपळूण या स्थानकांपर्यंत सेवा पुरवणार आहेत.
मध्य रेल्वेच्या घोषित विशेष गाड्यांची यादी
1. 01151/52 – मुंबई सीएसएमटी – सावंतवाडी – मुंबई (दैनिक)
2. 01153/54 – मुंबई सीएसएमटी – रत्नागिरी – मुंबई (दैनिक)
3. 01167/68 – लोकमान्य टिळक टर्मिनस – सावंतवाडी – मुंबई (दैनिक)
4. 01171/72 – लोकमान्य टिळक टर्मिनस – सावंतवाडी – मुंबई (दैनिक)
5. 01185/86 – लोकमान्य टिळक टर्मिनस – मडगाव – मुंबई (साप्ताहिक)
6. 01165/66 – लोकमान्य टिळक टर्मिनस – मडगाव – मुंबई (साप्ताहिक)
7. 01447/48 – पुणे – रत्नागिरी – पुणे (साप्ताहिक)
8. 01445/46 – पुणे – रत्नागिरी – पुणे (साप्ताहिक)
9. 01103/04 – मुंबई सीएसएमटी – सावंतवाडी – मुंबई (दैनिक)
10. 01129/30 – लोकमान्य टिळक टर्मिनस – सावंतवाडी – मुंबई (साप्ताहिक)
11. 01155/56 – दिवा – चिपळूण – दिवा (दैनिक)
या सर्व गाड्या गणेशोत्सव काळात भाविकांच्या अतिरिक्त गर्दीची आवश्यकता लक्षात घेऊन सुरू करण्यात येत आहेत. यात दैनिक व साप्ताहिक गाड्यांचा समावेश आहे. कोकणात जाणाऱ्या प्रवाशांना या गाड्यांमुळे मोठा दिलासा मिळणार आहे.
प्रवाशांसाठी सूचना
तिकिटे IRCTC च्या वेबसाइटवर किंवा रेल्वे स्टेशनवर उपलब्ध आहेत.
गणेशोत्सव काळात गर्दी टाळण्यासाठी तिकिटे लवकर बुक करावीत.
प्रवाशांनी वेळापत्रकाची खात्री करूनच प्रवास करावा, असे आवाहन रेल्वेकडून करण्यात आले आहे.
- हे देखील अवश्य वाचा : Konkan Railway | दादर- सावंतवाडी राज्यराणीला तुतारी एक्सप्रेस का म्हणतात?
- छोटा भीमचा रेल्वे प्रवाशांना मोठा संदेश!
- पनवेलच्या आंतरराष्ट्रीय विमानतळावरुन सप्टेंबरपासून उड्डाण!
