रत्नागिरी : कोकण रेल्वेमार्गे दररोज धावणारी एर्नाकुलम -निजामुद्दीन मंगला सुपरफास्ट एक्सप्रेस दि. 20 तर निजामुद्दीन एरणाकुलम मार्गावर ही गाडी दिनांक 23 सप्टेंबर रोजी HOG श्रेणीतील इलेक्ट्रिक इंजिनसह धावणार आहे. दीर्घ पल्ल्याच्या व कोकण रेल्वेमार्गे दररोज धावणाऱ्या या एक्सप्रेस गाडीचा संपूर्ण प्रवास विजेवर होणार असल्यामुळे सध्या डिझेल वर होणाऱ्या खर्चात मोठ्या प्रमाणात बचत होणार आहे.
कोकण रेल्वेच्या संपूर्ण मार्गाचे विद्युतीकरण पूर्ण झाले आहे. रत्नागिरी येथील टीएसएसचे उर्वरित काम देखील पूर्ण झाल्याने या मार्गावरील सर्व गाड्या टप्प्याटप्प्याने विद्युत इंजिनवर चालवण्याचा निर्णय रेल्वेने घेण्यात आला आहे.
12617/ 12618 या क्रमांकासह कोकण रेल्वे मार्गे दररोज धावणारी मंगला एक्सप्रेस दिनांक 20 पासून विद्युत इंजिनसह चालवली जाणार आहे.
मंगला एक्सप्रेस ला एच ओ जी श्रेणीतील विद्युत इंजिन जोडले जाणार असल्यामुळे OHE (ओव्हरहेड इलेक्ट्रिक वायर) मधून घेतलेल्या विद्युत प्रवाहावरच गाडीतील दिवे पंखे तसेच वातानुकूलन यंत्रणा चालवली जाणार आहे. एच ओ जी (हेड ऑन जनरेशन ) श्रेणीतील विद्युत इंजिनमुळे रेल्वे चालवण्यासाठी येणार्‍या खर्चात मोठी बचत होण्यास मदत मदत होते.
