रत्नागिरी : ज्या ज्या व्यक्तींनी स्वार्थाची कसलीही पर्वा न करता संगमेश्वर तालुक्यात भाजप जिवंत ठेवला अशा अनेक महनीय व्यक्तिमत्वांपैकी एक शिरूभाऊ फणसे होते. त्यांच्या निधनाने कधीही न भरून येणारी पोकळी निर्माण झाली असून तालुका पोरका झाला आहे, अशा शब्दात शिरूभाऊंना अनेक मान्यवरांनी त्यांच्या निधनानंतर आदरांजली वाहिली आहे
संगमेश्वर तालुक्यातील कासे जवळील कळंबुशी गावचे शिरूभाऊ संघाचे क्रियाशील स्वयंसेवक होते. लोकनेते कै. तात्यासाहेब नातू यांच्या बरोबरीने जनसंघ व नंतर भाजपा गावागावात नेण्यात त्यांचे महत्वाचे योगदान होते. 1992 ला ते माखजन गटातून जिल्हा परिषदेवर निवडून आले होते. माखजन परिसराच्या विकासात त्यांनी महत्वपूर्ण योगदान दिले.
काही महिन्यांपूर्वीच शिरूभाऊंची भेट घेऊन मनसोक्त मारलेल्या गप्पा ह्या शेवटच्या ठरतील, अस वाटलं नव्हतं. शिरूभाऊंना भावपूर्ण श्रद्धांजली.
–डॉ. विनय नातू, माजी आमदार, गुहागर.
–
