द्वारका : येथील द्वारकाधीश मंदिरात भगवान श्रीकृष्णाच्या दर्शनासाठी गायींना परवानगी दिल्याची गुजरातमध्ये ऐतिहासिक घटना घडली आहे.
पाळीव जनावरांमध्ये लंपी आजाराची साथ पसरल्यानंतर कच्छमधील एक पशुपालक नवस बोलला होता. त्यानुसार त्याच्या गायी लम्पी आजारापासून वाचल्या तर तो आपल्या गायींना घेऊन कच्छपासून 450 कि.मी. अंतरावर असलेल्या द्वारकाधीशला पायी जाईल. कारण भगवान कृष्ण गायींचे रक्षक आहेत, अशी त्याची मनोमन श्रद्धा होती.
विशेष म्हणजे या पशुपालकाने नवसानुसार द्वारकाधीशांच्या कृपेने त्यांच्या एका ही गायीला लंपी आजाराची लागण झाली नाही आणि त्यांनी असा नवस केल्याचे मंदिर प्रशासनाला सांगितल्यावर संबंधित मंदिर प्रशासनाने त्यांच्या सर्व गायींना द्वारकाधीशच्या दर्शनासाठी परवानगी दिली आणि प्रथमच द्वारकाधीश मंदिरात गायी दर्शनासाठी एवढ्या मोठ्या संख्येने आल्या. हे दृष्य पाहून मंदिरात उपस्थित असलेले भाविकही भावूक झाले.
