रत्नागिरी : गोगटे-जोगळेकर महाविद्यालय रत्नागिरी राष्ट्रीय सेवा योजना ओपन युनिट पुरस्कृत कै. प्रा. संजय जोशी स्मृती सर्वोत्तम स्वयंसेवक पुरस्काराची यावर्षीची मानकरी कु. सुहानी राजेंद्र गुरव ठरली. राष्ट्रीय सेवा योजना विभागाच्या विशेष निवासी शिबीर चांदेराई येथे माजी विद्यार्थांच्या उपस्थितीत तिला हा पुरस्कार प्रदान करण्यात आला.
हा पुरस्कार राष्ट्रीय सेवा योजना विभागात कार्यरत स्वयंसेवकास त्याच्या बहुआयामी कार्यासाठी दिला जातो. पथनाट्य, श्रमदान, शासकीय उपक्रम सहभाग, विविध शिबीर व कार्यशाळांतील सहभाग या निकषांवर निवड केली जाते. कु. सुहानी राजेंद्र गुरव हिने कोरोना विषयक जनजागृती , लसीकरण मोहीम सहभाग , स्वच्छता, व्यसनमुक्ती, मतदान या विषयावरील अनेक पथनाट्य सादरीकरण, स्थानिक व विद्यापीठ स्तरीय नेतृत्व प्रशिक्षण शिबीर सहभाग, रेड रिबन क्लब आयोजित जिल्हास्तरीय प्रश्न मंजुषा स्पर्धेत प्रथम क्रमांक, शाळा सहाय्य उपक्रमांमध्ये सहभाग घेऊन दिलेल्या योगदाना साठी तिला या वर्षीचा कै. प्रा. संजय जोशी स्मृती सर्वोत्तम स्वयंसेवक पुरस्कार प्रदान करण्यात आला. आपल्या पुरस्काराचे श्रेय तिने आपल्या कार्यक्रमाधिकारी आणि सहकारी स्वयंसेवक यांना दिले.

या पुरस्कार प्रदान सोहळ्यास माजी विद्यार्थी व ओपन युनिट राष्ट्रीय सेवा योजना विभागातील श्री. वैभव वझे, श्री. गणेश शिंदे, श्री. शंतनू पडयार, श्री. विकास डांगे, श्री. राजेश भाताडे, श्री. साई प्रसाद गोताड, श्री. उमेशचंद्र कारेकर, श्री अंकुश जोशी, श्री. अतुल तुपे, प्रा. प्रभात कोकजे, श्री सुजित कदम, राष्ट्रीय सेवा योजना विभागातील कार्यक्रमाधिकारी डॉ. दानिश गनी, प्रा. सचिन सनगरे, प्रा. हर्षदा पटवर्धन, प्रा. उमा जोशी, शिबिरार्थी स्वयंसेवक उपस्थित होते.















