रक्तदान शिबिराला उत्तम प्रतिसाद

उरण (विठ्ठल ममताबादे ) : श्रीमदपुरुषार्थ ग्रंथामध्ये सांगितल्या प्रमाणे रक्तदान हे श्रेष्ठ दान आहे. कारण परमात्म्याला आवडणाऱ्या 9 थेंबा पैकी एक थेंब म्हणजेच रक्ताचा थेंब आहे. या दानामुळे परमात्म्याची कृपा प्राप्त होते व पुण्यसंचयही होतो. या विचारनुसार श्री अनिरुद्ध उपासना फाउंडेशन अनिरुद्ध ॲकॅडमी ऑफ डिझास्टर मॅनेजमेंट व सद्गुरु श्री अनिरुद्ध उपासना केंद्र उरण मुळेखंड व कोप्रोली तर्फे कोकण ज्ञानपीठ कॉलेज उरण शहर येथे रक्तदान शिबिराचे आयोजन करण्यात आले होते.

या रक्तदान शिबिराला जनतेचा, नागरिकांचा उत्तम प्रतिसाद मिळाला आहे.सामाजिक बांधिलकी जपत आयोजित केलेल्या या रक्तदान शिबिरात एकूण 164 रक्तदात्यांनी भाग घेतला त्यामध्ये 126 स्वीकारले गेले.व 38 रक्तदाते काही कारणास्तव रिजेक्ट करण्यात आले.जे रक्तदाते आले त्यांचे आयोजकांच्या वतीने आभार मानण्यात आले.

Digi Kokan
Author: Digi Kokan

Leave a Comment

READ MORE

READ MORE