पाणी जपून वापरण्याचे देवरूख नगर पंचायतीच्या वतीने आवाहन
देवरूख (सुरेश सप्रे) : तीव्र उष्णतेमुळे होणाऱ्या बाष्पीभवन विचारात घेता बंधा-यातील पाणीसाठा दिवसेंदिवस वेगाने खालावत जाणार असलेने अपुरे पर्जन्यमान व विलंबाने मान्सुनचे आगमन होण्याची संभाव्यता आहे. या धर्तीवर माहे ऑगस्ट 2023 पर्यंत पुरेल अशा प्रकारे पाणीपुरवठा करणेसाठी नियोजन तथा उपाययोजना करण्याच्या सुचना शासन स्तरावरून प्राप्त झालेल्या आहेत.
देवरूखात केवळ पर्शरामवाडी व धावडेवाडी बंधारा या जलस्त्रोतावरून पाणीपुरवठा होत आहे. निनोच्या प्रभावाने वाढत्या तापमानामुळे होणा-या बावामुळे पर्शरामवाडी व घावडेवाडी बांधा-यामधील पाणी प्रचंड कमी होत आहे. सदयस्थितीत बंधा-यात केवळ 30 मे पर्यंत पुरेल इतकाच उपयुक्त शिल्लक आहे. अल-निनोच्या प्रभावामुळे मान्सूनचे आगमन विलंबने झाल्यास व त्यामुळे उपरोक्त पाणीसाठा संपुष्टात आल्यास दुसरा कोणताही जलस्त्रोत तथा पर्याय उपलब्ध नसल्याने शहरात भीषण पाणीटंचाई उद्धभवू शकते. हे परिणाम लक्षात घेत काटकसरीने व जबाबदारीने पाणी वापर करने आवश्यक आहे. जेणेकरून संभाव्य पाणीटंचाईची झळ नागरीकांना पोहचू नये, संभाव्य भिषण पाणीटंचाईवर मात करणेकामी मान्सूनच्याश पावसात पुरेसा पाणीपुरवठा होण्याच्या दृष्टीने मंगळवार दिनांक 18 एप्रिल 2023 पासून शहरात एक दिवस आड पाणीपुरवठा करण्यात येईल.
परिस्थिती अजून बिकट झाल्यास सदर तयारी असणार आहे. तरी नागरिकांनी पाणी कमी वापर करून नगरपंचायतीस सहकार्य करावे. असे आवाहन पाणी पुरवठा अभियंता यांनी केले
