रत्नागिरी : चेन्नई जवळील ताम्बरम रेल्वे जंक्शन ते राजस्थानमधील जोधपपूरपर्यंत विशेष सुपरफास्ट गाडी कोकण रेल्वे मार्गे धावणार आहे. ही गाडी दि. २७ एप्रिल व ४ मे २०२३ रोजी धावणार आहे.
या संदर्भात कोकण रेल्वे दिलेल्या माहितीनुसार ताम्बरम – जोधपुर (06055 ) ही गाडी तांब्रम येथून दिनांक 27 एप्रिल तसेच 04 मे 2023 रोजी दुपारी दोन वाजता सुटेल आणि तिसऱ्या दिवशी सायंकाळी ५ वाजून २० मिनिटांनी ती राजस्थानात जोधपुरला पोहोचेल.
जोधपूर येथून ही गाडी (06056) दि. 30 एप्रिल तसेच ७ मे 2023 रोजी र तांब्रम साठी सुटेल.ही साप्ताहिक सुपरफास्ट गाडी सायंकाळी साडेपाच वाजता सुटेल आणि तिसऱ्या दिवशी ती तांब्रम जंक्शनला सायंकाळी सात वाजून पंधरा मिनिटांनी पोहोचेल.
ही सुपरफास्ट ट्रेन चेन्नई, एग्मोर, पेरांबूर, अरक्कोनम, f जंक्शन, कटपाडी, जोलारपेटाई जंक्शन, सेलम जंक्शन, इरोड जंक्शन, तिरुपूर, कोईम्बतूर, पलक्कड, शोरानूर जंक्शन, कोझिकोड, कन्नूर, कासारगोड, मंगळुरु जंक्शन, उडूपी , मडगाव जं., रत्नागिरी, चिपळूण, रोहा, पनवेल, वसई रोड, वापी, वलसाड, सुरत, वडोदरा जं., आनंद जं., अहमदाबाद जं., मेहसाणा, पाटण, भिलडी, राणीवाडा, मारवाड भीनमाळ, मोदरण, जालोर, मोकलसर , समदरी आणि लुनी स्टेशन येथे थांबणार आहे.
या गाडीला एकूण 22 एलएचबी कोच असतील. यात टू टायर एसी – 01 कोच, थ्री टायर एसी – 08 कोच, स्लीपर – 05 कोच, जनरल – 06 कोच, जनरेटर कार – 01, एसएलआर – 01 अशी डब्यांची रचना असेल.
