उद्याची मडगाव-मुंबई जनशताब्दी सीएसएमटी ऐवजी दादर पर्यंतच
रत्नागिरी : सावंतवाडी रोड ते दादर दरम्यान धावणारी तुतारी एक्सप्रेस ही आज दिनांक 6 ऑक्टोबर रोजी प्रवास सुरू होणारी गाडी दादर ऐवजी पनवेल स्थानकातच आपला प्रवास संपवणार आहे. त्याचबरोबर दिनांक ७ ऑक्टोबर रोजीची मडगाव येथून मुंबई छत्रपती शिवाजी महाराज टर्मिनसला जाणारी जनशताब्दी एक्सप्रेस दादरला आपला प्रवास संपवणार आहे. रेल्वेकडून वाडीबंदर यार्डातील काम हाती घेण्यात आल्याने हा बदल करण्यात आला आहे.
मुंबईतील छत्रपती शिवाजी महाराज टर्मिनसनजीकच्या वाडी बंदर यार्डामधील रेल्वे लाईन 3 ते 7 साठी कनेक्टिव्हिटीचे काम हाती घेण्यात आली आहे. यासाठी दि. 5 ऑक्टोबर रोजी मडगाव ते मुंबई सीएसएमटी दरम्यान धावणाऱ्या वंदे भारत एक्सप्रेसचा प्रवास सीएसएमटी ऐवजी दादर जंक्शनला संपवण्यात येणार आहे. दि. ५ व ६ ऑक्टोबर रोजी प्रवास सुरू होणाऱ्या सावंतवाडी रोड -दादर तुतारी एक्सप्रेसचा प्रवास देखील दादर ऐवजी पनवेल स्थानकात तर मडगाव ते सीएसएमटी दरम्यान दररोज धावणारी जनशताब्दी एक्सप्रेस दिनांक 7 ऑक्टोबर रोजी आपला प्रवास छत्रपती शिवाजी महाराज टर्मिनस ऐवजी दादर जंक्शनला संपवणार आहे.
तुतारीसह जनशताब्दी एक्सप्रेस पनवेल येथून सुटणार!
या संदर्भात रेल्वेने दिलेल्या माहितीनुसार दि. ७ व ८ ऑक्टोबर रोजी दादर ते सावंतवाडी रोड दरम्यान धावणारी तुतारी एक्सप्रेस दादर ऐवजी पनवेल स्थानकातून आपला प्रवास सुरू करणार आहे.
याचबरोबर दिनांक 8 ऑक्टोबर 2023 रोजी मुंबई छत्रपती शिवाजी महाराज टर्मिनस ते मडगाव दरम्यान धावणारी जनशताब्दी एक्सप्रेस सीएसएमटी ऐवजी पनवेल येथूनच मडगावसाठी मार्गस्थ होणार आहे.
प्रवाशांनी या बदलाची नोंद घ्यावी असे आवाहन रेल्वे कडून करण्यात आले आहे.
- हेही वाचा : Konkan Railway | वैभववाडी-कोल्हापूर रेल्वे मार्गाला अखेर गती
- Konkan Railway | मडगाव-मुंबई वंदे भारत एक्सप्रेसचा रत्नागिरी, खेडचा आरक्षण कोटा झाला दुप्पट!
