मांडवे येथे पशुसंवर्धन विभागाचे पथक सक्रीय
६४ जनावरांना केले लसीकरण
खेड : राज्यात अनेक ठिकाणी गुरांना लम्पि रोगाची लागण झाली आहे.कोकणात रत्नागिरी जिल्ह्यातील खेड तालुक्यात लम्पि सदृश्य रोगाने शिरकाव केला आहे.खेड तालुक्यातील मांडवे येथील एका शेतकर्‍याच्या पाळीव जनावरांमध्ये लम्पी सदृश्य रोगाची लक्षणे आढळून आली आहेत. पशुसंवर्धन विभागाचे पथक मांडवे पंचक्रोशीत सध्या सक्रीय झाले असून संशयीत जनावरांचे तपासणीसाठी नमुने घेण्यात आले आहेत.
खबरदारीचा उपाय म्हणून या पंचक्रोशीतील 64 जनावरांना तातडीने लसीकरण करण्यात आले आहे. दरम्यान रत्नागिरी जिल्ह्यात अद्याप या रोगाचा प्रादूर्भाव आढळून आला नसला तरी खेड तालुक्यातील मांडवे डिकेवाडी या ठिकाणी डोईफोडे नामक शेतकर्‍यांच्या पाळीव जनावरांमध्ये लम्पी सदृश्य लक्षणे पशुसंवर्धन विभागाच्या तालुका पशुधन विकास अधिकारी डॉ.शुभांगी निंबोरे यांना आढळून आले आहेत. त्यांनी तातडीने या पंचक्रोशीतील शेतकर्‍यांना काळजी घेण्याचे आवाहन केले आहे. खबरदारीचा उपाय म्हणून मांडवे पंचक्रोशीतील 64 जनावरांना गोट पॉक्स या लसीचे लसीकरण करण्यात आले आहे. *
