दापोली : शिवसेना पक्षप्रमुख उद्धव ठाकरे यांच्या म्हाविकास आघाडीच्या घोटाळयाचे स्मारक तसेच अनिल परब यांचे मुरुड येथील साई रिसॉर्ट दसऱ्यापर्यंत जमीनदोस्त होईल, अशी प्रतिक्रिया किरीट सोमय्या यांनी दापोली दौऱ्यावेळी पत्रकारांजवळ बोलताना दिली. उद्धव ठाकरे यांचच्या सरकारमधील पालकमंत्री अनिल परब कोव्हीड काळात मुरुड येथे रिसॉर्ट बांधत होते, असा आरोप सोमय्या यांनी केला.
सदानंद कदम यांनी चौकशीवेळी लिहून दिले आहे की, परब यांनी मला हे रिसॉर्ट विकले. याचाच अर्थ हे मूळ रिसॉर्ट अनिल परब यांचेच आहे. लाईट व कर लावण्यासाठी अनिल परब यांनीच अर्ज केला आहे. त्यांच्यावर फौजदारी गुन्हाही लवकरच दाखल होईल. यासाठी जास्तीचे पुरावे आपण पोलिसांना दिले आहेत.
साई रिसॉर्ट शेजारी असलेल्या सी काँच रिसॉर्टचा मालक याच्यावर गुन्हा दाखल करण्यात आला आहे तो तो फरार म्हणून घोषित करावा अशी मागणी आपण पोलिसांकडे केली आहे असे सोमय्या यांनी सांगितले. तसाच गुन्हा अनिल परब यांच्यावरही दाखल करण्यात येईल.तीन वर्षा पर्यंत या गुन्हयासाठी कारावास आहे. हे रिसॉर्ट बांधकामसाठी पैसे कुठून आले, याची चौकशी इन्कम टॅक्स व ईडी करून करण्यात येत आहे. हे रिसॉर्ट पडले की त्याचीही चौकशी होईल, अशी माहिती सोमय्या यांनी दिली.
उद्धव ठाकरे यांचा उजवा हात असलेले अनिल परब कोव्हिड कलावधीत काळी कृत्ये करत होते. इलेक्ट्रिक बिल अनिल परब यांच्या नावाने येते जागेचे मूळ मालक विभास साठे यांनी लिहून दिले आहे की मी जमिन विकली पूढील एन ए करून फसवणूक ही अनिल परब यांनी केली आहे. रिसॉर्ट सीआरझेडमध्ये बांधण्याचा हा गुन्हा आहे. यामुळे हे भ्रष्टाचाराचे स्मारक तुटणार हे वाईट शक्ती दसऱ्याला तुटेल, असा दावा सोमय्या यांनी केला आहे.
यावेळी त्यांनी प्रांताधिकारि शरद पवार,सार्वजनिक बांधकाम विभागाचे अभियंता श्री. पटेल यांची भेट घेऊन साई रिसॉर्ट कारवाई संबंधी माहिती घेतली.
