उरण दि २५ (विठ्ठल ममताबादे ) : पनवेल शहरातील आदई सर्कल जवळ असलेल्या आयप्पा मंदिर समोर राहणाऱ्या सामाजिक कार्यकर्त्या व आदर्श गृहिणी शोभा शिवप्पा कंकणवाडी (६७) यांचे दि. २० ऑगस्ट २०२४ रोजी रात्री ११:३० वाजता अल्पशा आजाराने दुःखद निधन झाले आहे.
शिवा अखिल भारतीय वीरशैव युवक संघटनेचे महाराष्ट्र राज्याचे मुख्य संघटक नारायण कंकणवाडी यांच्या त्या आई होत्या. शोभा कंकणवाडी या एक आदर्श गृहिणी व सामाजिक कार्यकर्त्या होत्या. प्रेमळ व मनमिळावू व सर्वांना सोबत घेउन पुढे जाणाऱ्या व गोरगरिबांच्या सुख दुःखात नेहमी धावून जाणाऱ्या म्हणून त्या परिचित होत्या. त्यांच्या मृत्यूने पनवेल शहरात व कंकणवाडी कुटुंबियांवर शोककळा पसरली आहे. त्यांच्या मृत्यू पश्चात पती,१ मुलगा,३ मुली, ७ नातवंडे असा त्यांचा परिवार आहे.
शोभा कंकणवाडी यांच्या जाण्याने सर्वत्र हळहळ व्यक्त केले जात आहे. शिवा संघटना तसेच विविध सामाजिक संस्था, संघटनेचे पदाधिकारी सदस्यांनी त्यांना भावपुर्ण श्रद्धांजली वाहिली आहे.
