उरण (विठ्ठल ममताबादे ) : शिवसेना रायगड जिल्हाप्रमुख, माजी आमदार मनोहरशेठ भोईर यांचे सामाजिक, शैक्षणिक व राजकीय कार्य सर्वानाच माहीत आहे. त्याचा आणखीन एक प्रत्यय पहायला मिळाला.
उरण मतदार संघातील उरण तालुक्यातील चिरनेर येथील गरीब व गरजू विद्यार्थिनी कु. सायली वीरेंद्र सारंग हे वीर वाजेकर कॉलेज, फुंडे येथे एफ वाय बी ए या वर्गात शिकत आहे व कु.परी रवींद्र चिर्लेकर ही विद्यार्थिनी रोटरी क्लब एज्युकेशन कॉलेज, उरण येथे अकरावीला शिकत आहे त्यांच्या घरची अतिशय गरीब परिस्थिती असल्यामुळे त्यांची शिक्षणासाठी फी ची व्यवस्था होत नव्हती. अशा वेळी गरीब व गरजूंच्या मदतीला नेहमीच धावून येणारे माजी आमदार मनोहरशेठ भोईर यांनी या विद्यार्थिनींच्या शिक्षणासाठी
मदतीचा हात पुढे केलेला आहे, त्यांची फी रोख रकमेच्या स्वरूपात त्यांच्या व त्यांच्या आईकडे सुपूर्द केली. त्यांच्या अनमोल कार्याबद्दल सर्व स्तरावरून नेहमीच माजी आमदार मनोहरशेठ भोईर यांचे कौतुक होत असते.सामाजिक बांधिलकी जपणारा नेता अशी त्यांची समाजामध्ये कायमस्वरूपी ओळख निर्माण झाली आहे.
