कोकणातून धावणारी उधना- मंगळुरू एक्सप्रेस उद्या जादा डब्यासह धावणार!
रत्नागिरी : कोकण रेल्वे मार्गे धावणारी उधना – मंगळुरू एक्सप्रेस उद्या दि. 5 जानेवारी 2024 रोजी ज्यादा डब्यासह धावणार आहे. पर्यटन हंगामामुळे कोकण रेल्वे मार्गावरील सर्वच गाड्या प्रचंड गर्दी सह धावत असल्याने रेल्वेने सध्या धावत असलेल्या गाड्यांना अतिरिक्त कोच जोडून प्रवाशांना दिलासा देण्याचा प्रयत्न केला आहे.
या संदर्भात कोकण रेल्वेने दिलेल्या माहितीनुसार उधना ते मंगळूरु (09057) या मार्गावर धावणारी विशेष गाडी 5 जानेवारी रोजी तर मंगळुरू ते उधना मार्गावर 6 जानेवारी 2024 धावणारी विशेष गाडी (09058) स्लीपर श्रेणीच्या एका अतिरिक्त डब्यासह धावणार आहे.
- हे देखील वाचा : Konkan Railway | कोकण रेल्वेची २ कोटी ५ लाख ५२ हजारांची दंडवसुली!
- Konkan Railway | कोकणातून धावणाऱ्या तीन एक्सप्रेस गाड्यांना माणगाव स्थानकावर प्रायोगिक थांबा
- जालना-मुंबई वंदे भारत एक्सप्रेसला पंतप्रधानांनी दाखवला हिरवा झेंडा!
गुजरातमधील सुरतजवळील उधना ते मंगळुरू दरम्यान चालवण्यात येणारी ही गाडी वसई रोड पनवेल, रत्नागिरी मार्गे कर्नाटकमध्ये मंगळूरूला विसावते. मागील काही महिन्यांपासून ही गाडी विशेष गाडी म्हणून चालवली जात आहे.
