नीती आयोगाच्या बैठकीत मुख्यमंत्र्यांनी मांडला चिपळूण-कराड रेल्वे प्रकल्पाचा प्रश्न

नवी दिल्ली : चिपळूण-कराड रेल्वे मार्ग,ठाणे मेट्रो मुंबईतील फनेल झोन,समुह विकास, विकास कामांच्या प्रकल्पांबाबतचे मुद्दे मुख्यमंत्री एकनाथ शिंदे यांनी दिल्ली येथील नीती आयोगाच्या बैठकीत मांडले. वैशिष्टये म्हणजे या बैठकीमध्ये चिपळूण-कराड रेल्वे प्रकल्पाचा प्रश्न मुख्यमंत्र्यांनी मांडला. हा प्रकल्प पूर्ण करण्यासाठी केंद्र सरकारने सहकार्य करण्याची विनंती मुख्यमंत्र्यांनी पंतप्रधानांच्याकडे केली. कोकण-पश्चिम महाराष्ट्राला जोडणारा हा चिपळूण- कराड रेल्वे मार्ग व्हावा म्हणून गेली अनेक वर्षे कोकण रेल्वे अन्याय निवारण समितीचे अध्यक्ष शौकतभाई मुकादम हे पाठपुरावा करत आहेत.

चिपळूण-कराड रेल्वे प्रकल्प पूर्ण झाल्यास काही प्रमाणात बेरोजगार तरुणांचा नोकरीचा प्रश्नही मार्गी लागेल व उद्योग व्यवसायाला चालना मिळेल. महाराष्ट्रामध्ये मोठ-मोठे प्रकल्प मार्गी लागले पण चिपळूण-कराड हा १०० कि.मी.रेल्वे प्रकल्प मार्गी लागावा अशा प्रकारचा पाठपुरावा आपण करीत आहोत.

– शौकतभाई मुकादम, अध्यक्ष, कोकण रेल्वे अन्याय निवारण समिती.

मुख्यमंत्र्यांपासून रेल्वेमंत्र्यांपर्यंत पत्र व्यवहार करण्यात आला होता. याचा पाठपुरावा आजतगायत सुरु ठेवण्यात आला आहे. विशेष वैशिष्टये म्हणजे चिपळूण-कराड रेल्वेचा प्रस्ताव मुख्यमंत्र्यांच्या माध्यमातून दिल्लीपर्यंत पोहचला आहे.याबद्दल मुख्यमंत्र्यांचे आभार मानले पाहिजेअसे प्रसिद्ध केलेल्या पत्रकात शौकतभाई मुकादम यांनी म्हटले आहे.विकास कामांमध्ये कोणत्याही प्रकारचे राजकरण न येता चिपळूण-कराड रेल्वे प्रकल्प मार्गी लागण्यासाठी सर्वांना बरोबर घेवून आम्ही पाठपुरावा करीत आहोत, असेही मुकादम यांनी सांगितले.